بخطوات بسيطة .. حل مشاكلك بنفسك .. واحمي جهازك للأبد

نائب المدير العام نقاط : 60369

هاااااااااااااااااااااااااايـ

من خلال قرائتنا للمواضيع في قسم كل ومشكلة ولها حل فقد تعددت انواع المشاكل والمصايب بالكمبيوتر
والعامل المشترك اللي يجمع هالمشاكل اللي حلت على اجهزة البعض هي التهاون في مجال الحماية
وبعضهم من زود الثقة بالنفس يقول لنفسه يارجال ماجايني شي ...
او ان الواحد يخلي جهازه يعشعش بالملفات الزايده ولا كلف نفسه ينظف جهازه من الملفات ..

بعدها يجي اخينا او اختنا بالله ويكتب موضوع بقسم كل مشكلة ولها حل (وهذي بعض النماذج)

- جهازي بطييييي مرة تقل سلحفاة
- ضهور شاشة سوداء مع بداية بدأ التشغيل .. او شاشة زرقاء اثناء العمل ..
- صفحة البداية اختطفتها احد ملفات التجسس ونشبت فيها ..
- او مجلد المشاركة اختفى مدري وين راح .. اطلعه ويختفي << حشا جني مو بمجلد
- رسالة خطأ تضهر بالاكسبلورر ..
- كمبيوتري يعلق فجأة ..
- كمبيوتري يطفي فجأة ..

هذي نماذج من المشاكل اللي تواجه كثييييير من الاقلاعيين هنا ومستخدمين الكممبيوتر بشكل عام
وغيرها الكثيييير ,,(وحل كل هالمشاكل اتباع خطواتٍ سبع ,, تشوفونها تحت )

والبعض يعلل ذلك بـ "انا ماني داخل مواقع مشبوهه او ماني متلقف ومحملن ملف مدري وشو "

وهو مايدري انه داخل عالم الانترنت .. عالم زي الحياة وسط البحار .. الكبير ياكل الصغير
حيث هنا بالنت القوي والخبيث اللي مايخاف الله .. يايخترق اجهزة البعض , او يرسل لها
ملفات ضارة .. والملفات الضارة ياأنها تحوس جهازه او تسرق منه ... اهم شي يعني يخرب

وانت ماتدري الا هي جايتك .. وشلون الله واعلم ..!!

احياناً بطرق ماتتوقعها , فكما برامج الحماية شغالة ليل نهار لحماية اجهزتنا من الملفات الضارة ,,
فلصوص النت بعد هم شغالين بإكتشاف طرق جديدة وغير متوقعة لمستخدم النت ..
- من حيث نوعية الملف, والمطلوب منه لا دخل الجهاز , وطريقة ادخاله للجهاز بخلسة وطرق خبيثة

يعني حرب طاحنة بينهم ,, الله يكفينا شر اعدائنا ..
.
.
----------

//تجربة من الواقع// :

فمثلاً انا يالغة اخواني مايعرفون من النت الا الاسهم وبرامجها ومنتدياتها بس

فهم مثلهم مثل كثير غيرهم يقولون ماراح تجينا فيروسات وحنا ماندخل الا مواقع بنوك وبرنامج مباشر وهذولي عليهن
حماية قوية من المصدر وتبي يالغة ونجي حنا ووجيهنا وتبينا نحط برامج حماية , مالها داعي يالخبل >>>امووت انا على الناس الفاهمة زيهم
توكل بس ومانبي برامجك اللي مزعجنا بها .. قال حماية قال

تخيلوا بعد شهر ناداني احدهم (من المعارضين بشدة "للخرابيط" اللي اقولهم عنها وانصحهم فيها)
وقالي جهازي بطييي ء وماينفذ الاوامر بسرعة ويعلق وش الحل؟

قلت وخر .. سويت بحث ببرنامجه الانتي فايروس (اللي ماحدثه من زماااان وحاذفه من قائمة بدأ التشغيل
ولقيت فيه اكثر من 100 فايروس
هذا من غير الملفات التجسسية , وملفات الانترنت المؤقته اللي مايهتم بتنضيفها بين كل فترة وفترة)

شفتوا كيف الملفات الضارة تدخل جهازك حتى لو كنت محافظ ولاتدخل الا المواقع النظيفة ..!!
--------------------------------------------------------------------------------------------------------

خلاصة القول كن واثق انك ماراح تكون بمأمن عن الملفات الخبيثة مادامك تدخل النت اذا ماهتميت بحماية جهازك..

--------------------------------------------------------------------------------------------------------

كثرة الهرج ماتصلح صح ..

وعشان تروح هالمشاكل ,, او خل نقول تتجنب هالمشاكل ,, او خل نقول واجهت مشكلة من هالمشاكل
وتبي تحلها بنفسك وبدون مساعدة من احد ,, او خل نقول واجهت احد من معارفك هالمشكلة
وحاب تستعرض عضلاتك قدامه يعنني فاهم كمبيوتر ..اتبع الخطوات البسيطة التالية ..<<كم خل نقول مرت

//لكن قبل الخطوات التالية نصيحة ..//

قبل أن نبدأ ولما يكون جهازك توه جديد << مهو تأثر بالاقلاع ابد

حاول انك تنصب ببرنامجك NORTON GHOST.. مهم جدا جداً

صدقونا هالمشاكل لو جهازك جديد واتبعتها ماراح تجيك وراح تفتك منها ..
صدقونا لو جهازك صابه مشكلة امنية او بطء راح تنحل من خلالها ..

فائدته :
يعني لو صار بنظامك مشكلة عويصه وعجزت تحلها , اوفقدت احد التعاريف (الصوت -كرت الشبكة -كرت الشاشة)
او اي شي , تقدر عن طريق برنامج وخلاااااااااااال دقائق بس تقدر ترجع نظامك زي ماكان لما سويتله
نسخه احتياطية .. وراح تمتع بجهاز جديييييييد وخالي من المشاكل اللي صارتلك ..

اللي عاجبه مميزات البرنامج وحاب يعرف طريقته , يدور الله لايهينه شرح له بالنت
ان مالقا , يطلب الشرح ,, وراح اشرح البرنامج ..

.

نجي للمهم ..خطوات الصيانة السريعة لحماية دائمة لجهازك ..
او لإصلاح مشكلة واجهتك بدون طلب من أحد حلها ..

اولاً :
تنظيف القرص الصلب

أول لازم تسويه مستخدم الكمبيوتر سواء كان جهازك طيارة وسريع او مخجم ورايح فيها
سو للقرص الصلب تنظيف ,,, وذلك عن طريق كتابة الامر cleanmgr :: ابدأ ثم تشغيل
.

- أو عن طريق احد البرامج المتخصصه بذلك وهي كثيرررة وهذا واحد من اقواها

كود\ http://vb.eqla3.com/showthread.php?t=301002

على فكرة (البرامج اكثر احترافية واكثر شمولية من اداة الوندوز) ..

فائدته :
كل ماندخل موقع نت , المتصفح يحفظ كل صفحة تزورها , وكلمات السر يخزنها ,
وفيه بعض الملفات متفرقة , وبعضها زايدة , وبعضها مكررة .. والبرامج اللي زي كذا
تمسح كككككككل هذا من جهازك وتخليه اسرع من اول وراح تلاحظ الفرق ..
(وراح تحللك كثير من رسائل الخطأ والتهنيق اللي تواجهها اثناء استخدامك متصفح الاكسبلورر)

ثانياً :
فحص جهازك ببرنامج مكافح الفيروسات

اغلب الاقلاعيين عندهم الانتي فايروس ..
اهم شيء ببرنامج مضاد الفيروسات انه يكون فعال المفتاح حقه
عشان تقدر تحدث .. لإن التحديث اهم شيء بالنسبة للمضاد
وكذلك تتفعيل خاصية real time protection
يعني تخلي البرنامج موجود ومصحصح اثناء العمل ,,
وفيه البعض محملين نسخة internet security (الحماية الكاملة)
صحيح انها اكثر سمولية
بس صدقوني النسخة اللي تكون انتي فايروس احسن .. ليش؟؟
لإنها اخف على الجهاز من الكامل وتقوم تقريباً بنفس الدور ماعدا الجدار الناري ,,
الا اذا جهازك مواصفاته قوية جدا انت خذ الكامل ..

ثالثاً :
تحميل جدار ناري

فائدته:
عشان تحمي كمبيوترك من خطر الهكرز والمتطفلين .. لابد من وجود جدار ناري بجهازك
اذا مضاد الفيروسات اللي عندك مدمج معه جدار ناري .. زين على زين .. ماهو مدمج معه
حمل هالخفيف والقوي

كود\ http://vb.eqla3.com/showthread.php?t=302349

رابعاً :
فحص جهازك بمضاد ملفات التجسس

مثله مثل مضاد الفيروسات . لازم يكون بجهازك واحد من هالبرامج , عشان تحمي جهازك
من هالملفات اللي تحوس الجهاز حوس ,,

وانا انصحكم بهالبرنامج (من اقوى مكافحات ملفات التجسس) // رابط مباشر //

كود\ http://www.anhcenter.com/pramj/avg_anti-spyware.7z

---------------------------------------------
مضاد فيروسات وجدار ناري ومكافح ملفات تجسس .. نحييك على الحماية الكاملة ان شاء الله من الملفات الضارة
----------------------------------------------

خامساً :
الغاء تجزأة القرص الصلب

فائدته :
لما تنصب برنامج وتحذف برنامج وتنزل ملف وتحذف ملف .. وش بيصير مكانهن ؟؟
حوسة وقرف ومخربين المكان والمساحة اللي هم جالسين فيها اول ..
هالاداة تجي وتمسح وتزين وتصفصف مكان الملفات المحذوفة ..
والنتيجة :: ملفات مرتبة .. ومساحة زايدة لك بالقرص الصلب وبالعافية لك

منقووووووووول

للاستفااادهـ